ملتقى إبداع الشرق

من اجل ثقافه عربيه حره ومبدعه
 
الرئيسيةالتسجيلدخول

شاطر | 
 

 على اسم مصر للشاعر صلاح جاهين

اذهب الى الأسفل 
كاتب الموضوعرسالة
دينا على
نائب المدير
avatar

انثى عدد الرسائل : 614
تاريخ التسجيل : 27/03/2008

مُساهمةموضوع: على اسم مصر للشاعر صلاح جاهين   الخميس يوليو 03, 2008 9:25 pm

[color=olive]على اِسم مصر - صلاح جاهين
على اسم مصر التاريخ يقدر يقول ما شاء

وأنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة ف حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر



مصر النسيم في الليالي وبياعين الفل

ومرايه بهتانة ع القهوة - أزورها - واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوقفي الفراندة واسمها جولييت

ولما جيت بعد روميو بربع قرن بكيت

ومسحت دمعي في كمي ومن ساعتها وعيت

على اسم مصر



مصر السما الفزدقي وعصافير معدية

والقلة مملية على الشباك - مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر


النخل في العالي والنيل ماشي طوالي

معكوسة فيه الصـور - مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي - وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولد من جديد

على اسم مصر
[/color]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.al-islam.com
دينا على
نائب المدير
avatar

انثى عدد الرسائل : 614
تاريخ التسجيل : 27/03/2008

مُساهمةموضوع: رد: على اسم مصر للشاعر صلاح جاهين   الخميس يوليو 03, 2008 9:29 pm

[color=olive]على اسم مصر


مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

اسمعها مهموسة والا اسمعها مشخوطه

شبكة رادار قلبي جوه ضلوعي مضبوطة

على اسم مصر


وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أوح يحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد اقوله لحد

القمح ليه إسمه قمح اليوم وأمس وغد

ومصر يحرم عليها .. والجدال يشتد

على اسم مصر


ولما زماني رماني عليل

نسيت كل شيء عن حبيبي الجميل

لكن هو أبداً

انا مانساهوش

نسيت مشيته وصوته كان شكله إيه

ورسمة شفايفه

ولمسة إيديه

نسيت نظراته

نسيت لون عينيه

وقوس الحواجب وسهم الرموش

لكن هو أبداً

انا ما انساهوش

نسيت إسمه وحكايته وعرفته فين

وعشنا سوى العمر

والا يومين

وكان م البشر

والا طير بجناحين

نسيت حتى كان له وجود أو مالوش

لكين هو أبداً

أنا ما انساهوش

قطعوا الأغاني وطارت نشرة الأخبار

دارت على كل دار في الكوكب الدوار

يا حاضرين اعلموا الغايبين بأنه في مصر

اتغير الاسم منذ الآن فأصبح .. مصر

ضحك التاريخ ضحكته المشهور بها واندار

ودخل مناقشة مع الجغرافيا عما صار

هل نعترف بالبيان اللي أذيع العصر

أم ننتظر مصر تطرد اسرائيل بالقسر

وساعتها تحصل بكل جدارة يوم النصر
[/color]

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.al-islam.com
راوي بشر
مشرف
avatar

ذكر عدد الرسائل : 148
تاريخ التسجيل : 13/05/2008

مُساهمةموضوع: رد: على اسم مصر للشاعر صلاح جاهين   الإثنين يوليو 14, 2008 4:40 pm

اختيار موفق من مشرفتنا دينا
شكرا وننتظر المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.youtube.com/
دينا على
نائب المدير
avatar

انثى عدد الرسائل : 614
تاريخ التسجيل : 27/03/2008

مُساهمةموضوع: رد: على اسم مصر للشاعر صلاح جاهين   الإثنين يوليو 14, 2008 10:38 pm

مشكور اخى الكريم لمرورك وفقك الله لما يحبه ويرضاه Very Happy

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.al-islam.com
راوي بشر
مشرف
avatar

ذكر عدد الرسائل : 148
تاريخ التسجيل : 13/05/2008

مُساهمةموضوع: رد: على اسم مصر للشاعر صلاح جاهين   الجمعة يوليو 25, 2008 8:02 pm

Smile Smile Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://www.youtube.com/
 
على اسم مصر للشاعر صلاح جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقى إبداع الشرق :: صالون الأدب والثقافه :: ومضات اعجبتني-
انتقل الى: